Mar sien jah ki khun kynthei, pyntip sha ki pulit

Shillong, 29 Nailar:
Ka tnad pulit ka la bthah ia ki kmie ki kpa ba haba ki khun jong ki ki jah na iing kim dei ban ap ia ka ar ne lai sngi hynrei ki dei ban pyntip mar mar sha ki pulit bad ki dei ban pyntip ruh lada ki don jingsuba iano iano ruh khnang ba ki pulit kin kem ia ki riew sniew. Ki pulit ki la kyntu ruh ia ki kmie ba haba ki khun jong ki leit ban pule shabar ne ki leit ban treikam treijam ki dei ban tip thikna ia ka jaka ba ki leit.
Katei ka jingbthah ki pulit ka dei shi bynta ban lait na ki kam thombor ia ki kynthei kiba ju jia khah khah ha kine ki sngi. Ki pulit kila bthah ruh ba dei ban ujor wut wut lada jia ba ki don ki jingileh pher ki draibar kiba niah kali.
La bthah ba lada dpn kino kino ki jingleh pher ki dei ban pyntip sha ka tnad SSP CID (Coordinator) bad kilah ban phone ha une u nombar 9863021516 lane ki lah ban phah da ka mail sha kane ka email ID, [email protected]. Ba dei peit ia ka Anti-Human Trafficking Units ha Shillong, Jowai bad Tura.
Nalor katei ka number, labuh kyrpang ruh na ka bynta jong ka Tura, ki lah ban phone ha une u number r mobiles, 9856822988, ka la bynta ka nongbah Shillong, une u mobile number 9863082268 bad na ka bynta ka Jowai ki lah ban phone ha une u number 9436160171. Lane pyntip sha kano kano ka police station ba don.