Shillong:Ka Reserve Bank of India (RBI), ka la pynmih ia ka kaiphod jongka, ha kaba ka pyni ia ki jylla, kiba hiar tam ka kamai kajih jongki bad kitei ki kynthup ia ka Kerala, kaba long tang 3.9 percent, ka Jammu and Kashmir, da 4.1 percent, ka Jharkhand, da 4.2 percent.
Ka Mizoram, ka kiew bha, ka ioh ka kot jongka, ha kaba ka kiew sha ka 7.9 per cent; katba ka Megha laya, ka don ha ka jinghiar ka kamai jongka, kaba sha trai duh bad kaba long tang 2 percent.
Ka Gujarat, ka iai bteng ban long ka jylla, kaba kiew bha ka ioh ka kot jongka, ha ki 9 snem kynthih, naduh u snem 2012 haduh u snem 2021 bad kumta ka Gross State Domestic Product (GSDP), ka long 8.2 percent bad ka jingkiew jong katei ka jylla, ka long na ka T.6.16lak klur, ha u snem 2012, sha ka T.12.48lak klur, ha u snem 2021.
Ha kawei pat ka khubor, ka sorkar Meghalaya, ha ka kyrwoh, kaba pynmih mynta ka sngi, ka pyni, ba ka Meghalaya, ka wan ha ka kyrdan ba 19, hadien ka mang pisa jong u snem 2013-18; haba iakhein ia ka mang pisa kaba mynta jong u snem 2018-2021.
Wat la ka don ka khlam covid, hynrei ka Meghalaya, ka la nang kiew ha ka ioh ka kot jongka, lyngba ki jing pynlut pisa jong ka sorkar bad sa kiwei ki jingiarap, kiba wan na shabar.
Ka sorkar Meghalaya, ka pyni, ba ka GSDP, ka kiew sha ka 8.2 percent ha u snem 2021-2022 bad katei ka dei hadien ka jinghiar ka ioh ka kot lane ka GSDP, kaba long ha ka kyrdan kaba 33 ha ki snem 2011-12 haduh ki snem 2017-18, katba mynta ka kiew sha ka kyrdan kaba 18.
La ong shuh shuh, ba naduh u snem 2018, ka sorkar jylla, ka pynlut ar shah, ha ka jingai pisa, kaba long T.9,858 klur ha u snem 2017-18 sha ka T.18,881 ha u snem 2022-23 bad ka jinglut kaba long palat 50 percent, ha ka jingpynlut ia ki kam kiba heh, kaba kyntiew ia ka ioh ka kot ha ka jylla.
La ong shuh shuh, ba ka jingkhein, kaba la ai da ka RBI, ka pyni ba ka compounder annual growth rate (CAGR) jong ka Meghalaya, ha ki snem 2011-12 haduh 2017-18 ka long tang 2 percent bad kaba don sha trai duh ha ka ri baroh kawei, hynrei la ong ba ha ki snem 2018-19 haduh 2020-21, ka la kiew haduh 13 sien jan shakhmat, haba ia nujor ha ka Ri hi baroh kawei.
Ka kam thaw tuh suda phi ka Meghalaya te . Kan kiew shano haba ia 500 klur ei ei la shu pynphai noh khlem pyntrei kam ei ei . La shu buh ha ka short term fix deposit tang ban ioh interest ka NPP. U CM u ong this is part of Accounting. U Lah ban pynbieit ia ki paidbah hynrei ia ki briew kiba shemphang kum ma ngi um lah.Poh phi ka state jong ngi te. Lano ngin kiew kum kiwei.
bamsap ioh no 1 ka Meghalaya