Mar ia wan U Modi, sangeh thaw ktem lehnoh ha West Khasi

Shillong,22 Jymmang:
Ki la mih bun ki jingkylli halor ka jingkyn ran dien noh ka sorkar ban buh ktem ia ki lehnoh ANVC-B, watla kham mynshuwa ki la mih ki jingkynthoh na u myntri rangbah ba u la ong yn ym don ba lah wat na ka liang katei ka seng lehnoh ruh ia ki jaka ba ka sorkar kan buh ktem ia ki, bad u la ong ba ka dei ka kamram ka sorkar ban shim ia ka rai, hynrei mynta la iohi ha ki khubor ba ka sorkar kan buh shuwa shadien ia katei ka rai buh ktem ia ki lehnoh da kaba ong ba ki la bun palat ki jingpyrshah na ki sengbhalang bad seng sain pyrthei, ki jingkylli kiba ki paidbah sharum shaneng ki la pynmih ka long , “Lla hato katei ka jingshim rai ka sorkar ban randien shuwa dei namar ka jingtieng ia ka sorkar u Modi ne ka la wan kano kano ka maia kaba kren ha ka jingphohsniew jong ki ban pynsangeh noh shuwa” ong ka sur kyllum ki nongleit nongwan kiba ia biria artad halor katei ka khubor.
Lah ban pynkynmaw ba ki seng sain pyrthei ( Seng riewlum), ki sengbhalang ki la pyrshah jur ia katei ka rai jong ka sorkar ban buh ktem lehnoh ha ki jaka ba hap ha Khasi Hills, ki la mih ruh ki jingpyrshah wat na ka liang ka Garo Student Union ban buh ktem ha Arodonga, kaba la don ka jingsuba ba ka sorkar ka thmu ban thaw ktem ha ki thain jong ka Arodonga.