Shillong:U dur mot kynjang ba la tei ha tnum(dome) jong ka ïing dorbar thaw aiñ ka jylla, u la hap noh ha ka step phyrngap jong ka sngi u Blei ha ka por 1:30 eiei ïathuh kiba la ïohsngew ïa ka jingsawa ha ka por ba u khyllem. Ïa ka ïing dorbar ba thymmai jong ka jylla la pyntrei da kawei ka Kompeni na Andhra Pradesh bad la mang ha ka jinglut kumba 145 klur eiei. Kumba long mynta ka jingtrei ka la ïaid shait shait bad kat kum ka thong ba la buh ba la kumno kumno ha u Nailur mynta u snem ban ïoh plie noh ïa kane ka Ïingdorbar.
Haduh ba la thoh ïa kane ka khubor ym pat ïoh jingtip lada don ne em kano kano ka jingjia ba sngewsih ne ka jingshah ban ki nongtrei ha kane ka jingjia
Dang ha ki khyndiat taïew ba la dep u Lamphang ka Ïing Dorbar Thaw aiñ u Bah Metbah Lyngdoh u la leit jurip ïa ka jingtrei ïa ka ïing dorbar ba thymmai ha Mawdiangdiang bad u la ïathuh ba une u mot kynjang ne Dome la dep trei kumba 75%.
Nangne shakhmat da long dorbar ha ing thymmai ki mla ki donkam bn deng helmet noh bn lait mynsaw ioh da twa. Haha…..