|
Shillong: Ka Rangdajied United FC bad ka Langsning FC ki la iakhaid mar kawei ha ka lympung Shillong Premier League 2018 ka SSA kaba la long mynta ka sngi Palei ha JN Stadium Polo, Shillong. Ia ka Langsning la thep nyngkong da u Donlad Diengdoh ha ka 28 minit ban tam da 1-0 ha ka kylla step hynrei ha ka kyllamiet, ka Rangdajied United ka la ioh ia ka kabu ksiar lyngba ka penalty ban pynphai kylla lyngba u Wallamsuk Nongkhlaw ha ka minit kaba 58 ban pyniakhaid da 1-1 kol. Da kane ka jingiakhaid, ka Langsning bad ka Rangdajied ki la hap ban iasam noh mar shi point. Ha ka jingialehkai 2nd division hapdeng ka Ryntih bad ka Laitumkhrah, ka Ryntih ka la pynliem noh ia ka Laitumkhrah da 2-0. Ia kine ki ar kol ka Ryntih la thep da u Wanshanlang Dkhar ha ka 8 minit bad u Sajini Dkhar ula thep ia ka kol ba-ar ha ka 74 minit jong ka kylla miet. Haba phai pat sha ka jingialehkai third divison, ka Green Age bad ka Nongrah ki la hab ban iasam mar shipoint hadien ba ki la iakhaid da 2-2kol. U Cameo Lawai na ka Nongrah ula thep ha ka 13 minit bad u Michel Kurbah ha ka 30 minit, katba Green Age ka la pynphai kylla lyngba Emlang Lyngshing ha ka 20 minit bad u Dister Warjri ha ka 45 minit. Ha kawei pat ka jingiakhun ka Umphrup ka la pynliem ia ka Lamlynti da 2-1kol. U Pynkhrawnam Kharsyntiew na ka Umphrup ula thep ha ka 50 minit bad u Wanpyniar Nongbri ula thep ha ka 52 minit, ka Lamlynti ka la pynphai shikol lyngba u Komarnes Shabong ha ka 46 minit. Ha ka jingialehkai balai ka Mawreng ka la pynliem noh ia ka Young XI da 3-2. U Stebelborn Lyngdoh na ka Mawreng ula thep lyngba ka penalty ha ka 19 minit, u Dori Pathaw ula thep ha ka 45 minit bad Thymmaibor Sohlang ula thep ha ka 70+2 minit. Ka Young XI ka la pynphai ar kol, shikol la thep hi da u rang ialehkai ka Mawreng u Lamphrang Kharhari ha ka 5 minit bad Ksanbor Warbah ha ka 7 minit. |