Mar ia sdang khyrwit U Ronaldo ar kol; jaw ummat ka kmie jongu ha Old Trafford

U Cristiano Ronaldo, u la sdang ban ialehkai ia ka Manchester United, hynnin ka janmiet bad ha ka jing ialehkai, ula ioh thep 2 kol, pyrshah ia ka New Castle bad ka United ka la jop da 4-1 ha ka jing ialehkai.

Ka dei ka minit kaba kmen shi katdei eh, ia ka kmie jong U Ronaldo, kaba don ha rynsan peit kai, ka Dolores Aveiro, ha kaba ka la ieng da ka jingkmen bad jaw ummat, ha ka por ba u khun jongka, u ioh ban thep ia ka kol, kaba ar, ha katei ka jing ialehkai, kaba long ha Old Trafford.

Ka kol, kaba nyngkong, kaba la ioh thep da U Ronaldo, ka dei ha ka kylla step, ha ka jing pynjlan ia ka por ialehkai da 2 minit bad hadien kata, u sa ioh thep biang sa ka kol kaba ar ha ka kylla miet.