Shillong:Ka Meghalaya ka la ialehkai bah bad wan shakhmat ha kaba sdang ka jingialehkai Ranji Trophy pyrshah ia ka Nagaland mynta ka sngi ha Dimapur.
Ka Meghalaya kaba la kam ban tied nyngkong ka la kamai 268/9 lyngba ka jingioh kmai Punit Bisht da125, u Sanjay Yadav ula bynrap 61 run. bar ar ngut ki la kamai 111 run na bynta 5 wicket.
Ki lai ngut ki nongtied na ka Meghalaya, u Wallam Lyngdoh Kynshi (17) bad Wanlambok Nongkhlaw (34) bad Mark Ingty (12 not out).
U kongsan ha kane ka sngi, u long Deputy Commissioner ka Dimpapur District, u Anoop Khinchi, ha ka jingkren ula ai mynsiem ia ki rangialehkai ban iakhun tyngeh bad pyndonkam hok ia ka sap ba ki don ban jam sha ki lympung ba heh.
Ha kane ka sngi plie ia donlang u Bah R Kharkamni, Vice-President barim ka Meghalaya Cricket Association bad Vice-Chairman ka State Planning Board, u bah Gideon Kharkongor, Honorary Secretary ka MCA, u bah Dipul Ryntathiang, Vice-President MCA, u Chiang D Shira, Joint Secretary ka MCA, Vice-President ka Nagaland Cricket Association u Herato Sukhalu, Secretary ka NCA u Hyunilo Anilo Khing bad Joint Secretary NCA Ahidur Rahman bad kiwei kiwei kiba wan ban sakhi ha ka jingialang ban plie pyrda ia ka lympung mynta ka sngi.
Phi don ban ong eiei?