U Pa’men Silvio Berlusconi, myntri rangbahduh ka Italy, u dang shu ia pyllait sanshyieng shen bad ka kurim ba rim jongu, ka Francesca Pascale, kaba ula ia shong shiphew snem kynthih bad ha ka jing ia tar kot, ula duh ia 20 million euro, ha kaba siew sha katei ka tnga barim jongu ban ia pyllait, da ka jing ia sngewthuh jingmut.
Hadien katei ka jing ia pyllait sanshyieng, ka Pascale, ka la da ioh paralok thymmai, ha kaba ka ia iaid samla bad ka Paola Turci (55), kaba dei kawei na ki nongrwai jong ka Italy bad ki dur, ki pyni ba ki ia leit kai pyngngad bad ia shong jhad tang ar ngut hi.
Ka jingleh jong ka Pascale, ka la pyn bitar shla ia U Pa’men Berloscuni, uba don mynta 83 snem bad kum ka dak, ban pyni, ba lada ka Pascale, ka la ioh paralok thymmai, mar ia pyllait bad u, kumta ma u ruh, wat ha ka rta kaba 83 snem, hynrei, um pat kyrduh satia bad mynta u ia shondur lang bad pyni paidbah, ba u iakynduh bad ka Marta Fascina, kaba dei ka MP jong ka Italy bad kaba dang 30 snem ka rta, lane kaba u dang shwa ma u, 53 snem ka rta. La pyni ha ka dur, ba U Berloscuni, u iaid ryngkat bad ia snoh kti bad ka Fascina, ha ka phyllaw iing jongu ha Sardinian villa, ha ki khyndiat sngi ba ladep. Katei ka jing ia snohkti jongki, ka la dei ka dur, kaba la pynmih paidbah ha ki kotkhubor ha Italy.
La iathuh ba U Bersusconi, u da kwah ban pynmih paidbah ia ka dur, kum ka jing ai dak ia ka tnga barim jongu, ba ma u ruh, um shym la kyrduh satia, ha ka jingioh jingieid thymmai.
U Berlusconi, ula ia pyllait sanshyieng bad ka Francesca Pascale, kaba don 35 snem ka rta, ha U Lber 2020 bad mar ia lait bad ka Pascale, ula ia kynduh bad ka Fascina, kaba dang khynnah da saw snem ka rta, ia ka lok barim jongu.
Phi don ban ong eiei?