Mar ia jop elekshon, leit ia thoh noh ka MP jong ka Trinamool sha Turkey

Ka Nusrat Jahan, ka dei ka aktor ba pawnam bha jong ki phlim Bengali bad ka dang shu jop elekshon shen, na ka tiket TMC jong ka Mamata Banerjee.
Katba kiwei ki MP, ki dang ia bunkam ban ia shong dorbar ha Parliament, hynrei ka Jahan, hynnin ka sngi, ka la pyndep noh ia ka jing ia poi kha jongka ha Turkey. Ka Jahan, 29, ka ia poi kha bad U Nikhlin Jain, uwei na ki nongkhaii bad la iathuh ba kitei ki ia poi kha ha Bodrum jong ka ri Turkey.
Ka Nusrat Jahan, ka la jop na Basirhat Constituency jongka West Bengal, na ka tiket Trinamool Congress, ha kaba ka la jop haduh 3.5 lak vote. Ka Jahan, ka dei kawei na ki nongkhring briew kaba khlain bha ha kane ka elekshon ba dang shu dep ha West Bengal. Nalor kiba ha iing jongka, ka Mimi Chakravorty, kaba dei ka paralok kaba iajan bha bad ka bad kaba dei kawei na ki actress Bengali, ka leit ban shim bynta lang ha katei ka jing ia poi kha jong ka Jahan.
Kitei ki arngut ka Jahan bad ka Chakravorty, ki la shah wohnia tyngeh ha u bnai ba ladep, haba ki shah shondur ialade ha khmat jong ka Parliament, da kaba ki phong patlun Jeans. Kitei ki arngut ki dkhot, kim shym la ioh lad ban bam smai kum ki dkhot thymmai, namar ba ki don mynta ha katei ka jingshim bynta ha ka jing shong kurim ka Jahan.