Ka jingialehkai jong ka English Premiere League, mynta ka nohsngi, hapdeng ka Chelsea pyrshah ia ka Manchester United, ka kut ha ka jing ia khaid, ha kaba baroh ar ki team, ki ioh ban thep mar ar kol.Ka kol, kaba nyngkong, la ioh thep da U Antonio Rudiger, uba ioh ban thep da ka khlieh, ia ka bol kaba wan na ka jingshut corner ha ka minit kaba 21, katba ka Manchester United, ka la ioh ban thep ia ka kol ba nyngkong jongka, ha ka kylla miet, ha ka minit kaba 54, lyngba U Anthony Martial bad nangta ka United ka pynbud biang ia ka kol kaba ar ha ka minit kaba 72, ha kaba la ioh ban thep biang ia ka kol, da U Anthony Martial.
Katba ia ka kol ba ar jong ka Chelsea, kaba pyn ia khaid ia ka jingialeh la ioh thep da U Ross Barkley, ha ka minit kaba 96 bad katei ka la pynlong ba kin ia ioh thep mar ar kol, ha ka jingialehkai, kaba long ha madan jong ka Chelsea ha Stamford Bridge.
Da ka jing ia khaid mynta ka sngi, ka Chelsea, ka ioh 21 point bad ka long ha khlieh duh na ki nongialehkai ha ka English Premiere Leage, katba ka Manchester United, ka ioh 14 point bad ka wan ba phra ha ka jingialehkai.