Shillong:U nongialam liangpyrshah ka jylla u Dr. Mukul Sangma ula buh jingkylli ia u Myntri Rangbah ka jylla u Conrad K Sangma halor ka jingther jong u, ba ki sorkar ba mynshwa kim nud ban shim ia ka kam pynbeit pud bad ka Assam bad dei tang kane ka sorkar MDA kaba la pyni ia ka jingshlur ban tur halor kane ka kam kaba la jywat bha bun snem.
Haba kren mynhynnin ka sngi sha ki lad pathai khubor, u Dr. Mukul u la ong ba dei ha ka por jong u ba ka sorkar ka la pynbiang nadong shadong ia ki kot ki dulir ban pynshisha ia ka jingkam ka Meghalaya ia ki jaka na ka Assam, hynrei dei pat ha ka sorkar MDA kaba la ialam ka NPP ba ka la ai ei pynban ia ka jaka, kaba long pyrshah ia ka mon jong u paidbah.
U Dr. Mukul ula ong ba haba ka sorkar Meghalaya ka aiti ia ki dulir sha ka Assam, ka mut ba ka pynshisha ia ka jaka ba ka kam dei ban aiti ia ka jaka, hynrei kane ka sorkar MDA ka la leh da khongpong.
Ula buh jingkylli buh mano ba weng ia ka Police Outpost na Langpih ha ki snem ba la leit bad ula ong ba dei ka sorkar kaba la ialam u kpa jong u Conrad, u Late Purno A Sangma ba ula weng ia ka outpost na Langpih, hynrei dei ha ka sorkar jong u ba la buh biang ia ka Police Outpost ha Langpih.
Phi don ban ong eiei?