Mang T.25 klur ban buh 300 tylli ki sharak ha sor Shillong

Shillong, 17 K’lyngkot:
Ka sorkar jylla Meg halaya ka la mang T. 25 klur na ka bynta ban pynmeh bording na ka bynta kumba 300 tylli ki jingshai ban tan na ka bor jong ka sngi bad ia kane yn leh na ka skhim Green City Project (GCP) ha kaba ia kine ki sharak ha ki surok, yn bujli noh ha baroh kawei ka Nongbah Shillong.
“Ia kane ka T.25 klur projek ba la mang da ka sorkar jylla ban buh 378 tylli ki jingshai na ka sngi (solar light) ha ka Nongbah Shillong”, la ong u President ka MeSEB Engineer’s Association (MEA) u Bah B Khonglah ha kane ka sngi Thohdieng.
U Bah Khonglah u la ong ia kane ha ka jingialang ba la long hynne ka sngi thohdieng. La ong ba kane ka jing ring ia kane bording na ka jingshai ka sngi yn sa bujli noh ia ki street light.
U Bah Khonglah u la ong ba 378, 300 tylli ki jingshai na ka sngi la mang ban buh ha baroh ki Nongbah kane jylla, 78 tylli ki la mang ban buh ha Tura katba 300 tylli ha Nongbah Shillong.
La ong ba ka sorkar ka la mang T.5 klur na ka bynta ban pyntreikam ia ka projek ha ka pali pyntreikam ba nyngkong 2012-2013 bad ia kane ka projek la ai sha ka Philips Electronic India Ltd ban pyntrei.