Ka sorkar India, ka la mynjur ia ka skhim ban pyntreikam pura ia ki mobile phone, ki internet kiba khlain ha ka Jylla Meghalaya, ka ban shongdor T. 8120.81 klur, ha kaba la dep mang lypa kham mynshwa T.5336.18 da ka kynhun myntri jong ka sorkar India, ha ka 10tarik Nailur 2014.
Katei ka skhim ka thew ban pynkhlain ia ki mobile 2G+4G, ha ki jaka, ki bym pat don mobile haduh ha kine ki sngi ha Meghalaya bad ban pynkhlain ia ki mobile 2G+4G ha ki surok bah jong ka Meghalaya.
Ka jingthmu ka long ban pynbiang ia ka mobile network, ia ka internet, broadband sha ki nongshong shnong jong ka Jylla.