Mana ia ki kali ban shim pass ha jingkieng Umiam

Shillong:Kum shibynta ka jingpyntip sha ki paidbah namar ka jing don jong ka jingmaramot ia ka jing kieng Umiam, ka jingiaid jong ki kali kan long tang shiliang jong ka jingkieng, hynrei la iohi ba ki don pat ki kali kiba shim pass, katba ki dang iaid ha katei ka jingkieng kaba wanrah ia ka jing dheng kali ba jur bha.

Kumta la mana ba ym dei ban shim pass haba iaid ha katei ka jaka bad dei ban bud ryntih ia ki jingbthah bad kino kino kiba pynkheiñ ia ka hukum yn pynshitom katkum ki kyndon jong ka aiñ.
Ban pynduna ia ka jing dheng kali, la kyrpad ruh ia ki kali ba kin iaid lyngba ka Surok Shilllong by pass.