Shillong 07 Rymphang: Ha ka 07 Tarik u Rymphang 2025,ki paidbah ki ba ieid ia ka jingialehkai football, ki la wan ban poi ha madan Jawahalal Nehru Studium, ban sakhi ia ka jingialehkai ka Northeast United FC pyrshah ia ka Mumbai City, ha ka lympung ialehkai Indian Super League (ISL),
ha kaba kin sa iakhun mynta hi ka janmiet ha kapor 7:30
Ki paidbah riew ieit peit football ki la sdang ban wan poi ha madan Jawahalal Nehru Studium naduh kapor 3baje eiei ban thied ia ki ticket jongki.
Ka jingialehkai mynta ka janmiet hapdeng ka Northeast United FC pyrshah ia ka Mumbai City kan sa long ka ba shongshit bha,Namar kane ka jingialehkai baheh jong ka Ri India ka sdang ha Nongbah Shillong.
Ka ne kadei ka sien ka ba nyngkong eh ba ka NEUFC ka la wanrah ia ki lai tylli ki jingialehkai ha la iing sha Kane ka Nongbah.
La sakhi ruh ba ki paidbah jong ka Nongbah Shillong ki la ia sdang ban ienglain thied ticket naduh kapor mynstep ha golf link ia ba don marjan bad ka madan JN Studium.
Shuh shuh la iohi, ba ki paidbah ka Nongbah Shillong ki la sdang wan tuid ha madan JN Studium ban ienglaiñ kadei mynta hi ka janmiet shwa ba ka jingialehkai kan sdang.
Ka jingwan tuid ki paidbah da ki hajar ngut tam ha madan JN Studium ban peit ia ka jingialehkai, kadei namar ba ki ieid ia ki rangialehkai jong NEUFC,ba kidei na ka thaiñ lajong bad ruh ka jingdon jong u samla Redeem Tlang ka nangbai mynsiem shuh shuh ia ki paidbah ka Jylla.
Ha ka jingiakren bad ki nongkyrshan ba radbah jong ka NEUFC ki la pynpaw,ba ka Northeast kan jop beit mynta pyrshah ia ka Mumbai namar ki paidbah ha wan ha JN dei lut ki nongkyrshan jong ka Northeast.
Phi don ban ong eiei?