Mait uba shah siat, ia u nongsiat suloi

Shillong, 14 Jymmang:
Ka jingjia ia pyniap ba sngew shyrkhei ka la jia mynta ka sngi ha ka shnong Okkapara Songgitcham kaba don ha South West Garo Hills District, ka shnong kaba hap hapoh Garobadha Police Outpost. Ha katei ka jingjia la ong ba ki don ar ngut shi ba ha ing kiba la ia shun thlong mluh thlong sying kata hapdeng u Kilman Ch Marak bad u Ranjan M Marak.
Ki lad khubor ki la iathuh ba ka la don ka jingiania hapdeng kitei ki 2 ngut bad tang kumba shiphang ar phang u Kilman u la wanrah da ka suloi shiktang (SBBL) bad u la siat ia u Ranjan hynrei u kuli um shym la dei ia u Ranjan bad tang mar kumta hi sa u Ranjan u la sei da ka wait tyngkrong u la tur sha u Kilman bad u la mait na ryndang bad na met jong u. U Kilman u la iap hashen. Ki pulit ka Garobadha tang mar ia tip ia katei ka jingjia ki la leit sha katei ka shnong, ki la kem ia u Ranjan bad ki la kurup ia ka wait kaba u pyndonkam,katba ia ka metiap u la pynkit sha Civil Hospital, Tura ban leh ia ka post mortem. ( SP News).