Maham u SP ia ki turis ba oh tam

Shillong,
25 Rymphang:  
U SP ka East Khasi Hills u Bah M Kharkhrang u la maham ia ki kali turis kiba kamai na Shillong sha Guwahati  ba kim bit ban shim tam ia ki nongshong ban wan pynhiar ha Khyndai Lad.
U SP u la ong ba don ki kali tourist kiba kamai, ki oh tam ia ka dor haba wan pynhiar nong shong ha Khyndai Lad.
Ka la wan ka jingpyntip sha ki pulit pyniaid kali ka nongbah ba don ki kali kamai kiba kyntait ban wan pynhiar nongshong kali ha Khyndai Lad bad lada wan ha Khyndai Lad, ki oh dor tam na ka bai shong.
U SP u la maham ba ki dei ban leit pynhiar nongshong kali beit ha Khyndai Lad bad ban pynieng ia ki kali ha jaka ba la buh bad lada ki kyntait ban pynhiar ha Khyndai Lad, ki nongshong kali kamai Shillong sha Guwahati ki dei ban leit ujor sha ki pulit da kaba ai ryngkat ki number kali khnang ba ki pulit kin leh ia kaba donkam.