Agartala: U Biplab Deb, myntri rangbah ka Tripura, ula maham ia ki Bank kiba don ha katei ka Jylla, ba kim dei ban pyndik ia ki samla trei kam lajong, da kaba phah wad nong bah khlieh, na bynta ki jingshim ram jongki hapoh Bank, na ka bynta kito kiba kwah ban shim ia ki ram Mudra.
Ha ka jingialang, kaba 129 jong ki Bank, kaba long ha katei ka Jylla, U Dev, u ong ba ka sorkar, ka la tip ba ki bank kiba heh, kim pyndik ia ki nongpan ram, hynrei ki wad daw ban pynthut ia ki nongshim ram bad na ka daw, ba ki samla, kim ioh ia u nongbah khlieh, kumta ki samla ki ngiah noh bad hadien kata, ka jing kynnoh ka leit sha u myntri rangbahduh bad sha ka sorkar.
Ka skhim Pradhan Mantri Mudra Yojana (PMMY), ka la trei kam naduh u snem 2015, ha kaba la thaw da U Narendra Modi, myntri rangbahduh bad kitei ki ram, ki dei na ka bynta ki nongtrei kam lajong kiba don ia ki kam kiba rit ba ria.
Phi don ban ong eiei?