Maham U EM Labour, ia ki kontraktor bym rejister ia ki nongbylla

rShi bnai 300 ngut nga la ai labour license, ong u EM
Shillong, 23 Jylliew:
U  Executive Member (EM) ka KHADC ba peit ia kaLabour department u Bah Banteidor Lyngdoh ula maham ia ki kontrak baun pynshitom lada kim rejister ia ki nongbylla bym dei Khasi ha kaCouncil.
 “Ngi la kut jingmut ban pynshitom tyngeh ia ki kontraktor ki bymwan rejister ia ki nongbylla ha ka Council”, la ong u Bah Lyngdoh habajubab ia ka jingkylli ba la wanrah da ka MDC ka UDP ka Kong RonaKhymdeit ha ka sngi dorbar ka KHADC hynne ka sngi.
U la ong ba ki briew jong ka tnad Labour ki la dep pynlong ia kajingleit peit ia ki nongtrei bylla ha kiba bun ki jaka trei ha kanongbah bad la ki la ioh license ne em na ka  Council. ”Ki briew ka Enforcement ki la sdang ia kane ka kam la 13 sngi. Ngila buh thong ban pynlong ia ka jingleit peit ha baroh ki saw tylli ki district kiba hap ha u pud u sam ka Council,” la ong u EM ka KHADC. U la ong ba haduh mynta 1079 ngut ki nongtrei bylla kiba la ailicense ka Council.Ha   East Khasi Hills District ki don 818, Ri Bhoi District ki don171, West Khasi Hills District ki don 71 bad ha  South West KhasiHills District ki don 19 ngut.
 ”Ka jingioh bai license na kine ka la kot sha kaT. 2.15 lak,”  u la ong. Katba u MDC ka UDP u Bah Brolding Nongsiej u la ong ba ka long kaba lyng ngoh ban iohi ba ki don tang 171 ngut kiba ioh labour license haRi Bhoi,  ka district kaba don bah ki karkhana bad ki nongtrei barjylla ruh. ”Nga kyntu ia ka  executive committee ban shim khia ia kane ka kamda kaba leit jurip thikna sha ki jaka ha Ri Bhoi khnang ba ka jingiohka Council kan kam kiew”, la ong u Bah Nongsiej. Shwa ia kane ka Kong Khymdeit, ka la wohnia ia ka rukom ailicense. U EM u la pynshai ba ki jingdonkam ban ioh license dei kaEPIC  nalor kiwei pat bad ka jingleh ia ka jingpynshisha na ki pulit.
Ka Kong Khymdeit ka la ong ba ka jingbym don ki kyndon ba thikna kanpynngiah ia ki nongbylla ban wan rejister bad kane kan ktah ia kaiarong ka Council. ”Nga la shimti ia kane ka kam shi bnai bad ki don 300 tylli kilabour license kiba nga la ai”, la ong u Bah Lyngdoh.