Maham sam pisa ka Umkiang

Ka Dorbar Shnong Umkiang, Elaka Narpuh, East Jaintia Hills District ka maham jur ia kino kino ki kyrtong ne ki riew shimet ban sam pisa hapoh ka jaka jong ka shnong Umkiang naduh ka por 6 baje janmiet ka 19 tarik Rymphang 2025 tad haduh ban da dep ka sngi thep vote.
Kane ka jingmaham ka dei ban pynlong ia ka jingjied nongmihkhmat sha ka District Council (JHADC) da ka lynti kaba khuid ba suba (clean politics), ban ailad ia ki nongshong shnong ban jied nongmihkhmat da ka mon laitluid khlem ka jingpynbam pisa khnang ban wanrah ia ka jingsynshar kaba khuid ba suba hapoh ka ri jong ka bri u Hynniewtrep. Ia kane ka kyrwoh khubor la phah da u bah Lasting Pala, Waheh, bad u bah Nicholas Lyngdoh, Secretary ka shnong Umkiang.