Maham ki pulit ban ym shah pynbiej Mobile

Shillong, 9 ïaiong:
Ki pulit ki la ioh jingtip ba ki don ki briew kiba phone sha ki paidbah bad ki kam ba ki dei ki nongtrei jong ka Reliance ne kiwei pat ki kompeni mobile bad kitei ki briew ki la kam ba ki la leh ia ka sorbe bad ki sa ioh ia u phone nombar jong kita ki briew kiba ki phone bad ki pynpaw ba ki kwah ban ia de kam bad ki trai jaka ym bad kiwei pat na ka bynta ban thung Tower Mobile. Ki pulit ki la ong ba kitei ki briew ki kylli la ki briew kiba ki phone ki don jaka ne-em bad ki pan ia ki kot ki sla jaka jong ki, ka jaka shong jaka sah bad kiwei pat ki jingtip bad hadien kata ki phah thep pisa naduh ka T.20 hajar tyngka haduh T.1 lak tyngka bad ki sa pan pisa biang ruh hadienban bteng ia katei ka kontrak.
Kitei ki briew haba ki sngewthuh ba ki briew ki phone kim lah shuh ban siew pisa kin nym phone shuh. La ong ba ki briew kiba phone ki ju pyndonkam da ki Sim Card kiba na Kolkata. Ki pulit ki la maham ia ki paidbah ba kim dei ban shah pynbiej ha kum kitei ki briew bad kumba long mynta ki la ong ba ki dang buddien ban ioh kem ia kitei ki nong phone.