Maham ka KSU ia kiba shim tam bai kali

Shillong,30K’lyngkot:
Ka K.S.U. Mawkyr wat Circle ka la maham ia kito ki kali kiba kamai Mawkyrwat-Shillong kiba ju mlien ban shim tam ia ki bai kali nan ki paidbah khamtam ha kip or janmiet ba la duna ki kali. Ka seng ka la maham ban leh da kaba tyngeh lada jia ba ka lap ia kum kita ki kali. Ka la kynturuh ia ki paidbah ba kin ym sngap jar-jar haba ki lap ia kum kitei ki nongniah kiba shim tam ia ki bai kali bad ki dei ban pyntip sha ka seng ryngkat ki nombar kali jong ki.
Ka seng ka la pyntip ba ka la ioh bun ki jingujor na ki paidbah shaphang katei ka jingshim tam ia ki bai kali palat ia ka dor ba la buh, kaba la wanrah jingeh shisha ia u nongleit nongwan khamtam kiba bun na ki ki dei kiba dang duna ha ka ioh ka kot.