Maham ka KSU ia ki draibar Sumo

Shillong,8 Jymmang:
Ka Khasi Students’ Union K.S.U Laskeiñ Circle ka la maham ia baroh ki nong niah Sumo kiba hap hapoh ka Laskeiñ Block ba kim dei ban shim kabu ban shim rem dor ia ka bai kali na ki khynnah skul khamtam ia kito ki ba phong jain skul bad ha ka juh ka por ba ki dei ban kit ia ki khynnah skul ha ka por ba ki phah sangeh ia kino kino ki sumo ha lynti, ha ka juh ka por ruh ka Seng ka la pyntip ba ka la ioh ia ki jingujor na ki kmie ki kpa jongki khynnah skul ba ki Draibar ki shim rem dor iaka bai kali na ki khynnah skul bad don ruh ki bym sangeh haka por ba phah sangeh da ki khynnah skul bad don ruh ka por ba ki nongniah sumo ki kren da ki ktien khlem akor ia ki khynnah skul.
Ka KSU ka la maham tyngeh ruh ia ki nongniah Sumo lada ka seng ka lap ne ka dang ioh ia kiba kum kitei ki jingujor, ka la pyntip sha ki khynnah skul ba la don kum kata ka jingjia mar-mar ki dei ban pyntip sha kine ki nombar phone 9612261171, 8575744274, 8794602546, katkum ka kyrwoh ba la phah da u Samla, Garland Shadap Manner. Education Secretary KSU Laskeiñ Circle.