Maham ka HYM ba ia pein pisa khutia da ki kot

Shillong,30 Lber:
Ka Hynniewtrep Youth Movement, East Khasi Hills District ka la maham ia ki dukan die jingdie khamtam ia ki bar jylla kiba ju mlien ban leh khlieh shrieh da kaba ia pein pisa da ki kot, ka kyr woh na u President ka seng u Samla D.Sawkmie u la ong ba bunsien la ju lap ba ki don ki dukan ki bym ju pynphai shu lada jia ba ki jingthied ki dang tam sa T.5 ne T.10 tyngka, hynrei ki ai pynban da ka kot ban pyni ba ki nongthied ki hap ban leit shim da u kwai ne sikret ban ia dep kato ka pisa khutia. Kitei ki kot ruh ki dei kiba la shu soi kyrteng ne seal da kitei ki nongdie dukan hi.