Maham ia kiba pynthut, ia ki nongtrei ka koit ka khiah

Nongpoh: Katto katne sngi, ba la paw pyrthei ka jingshah ktah kti ia kawei na ki Nongtrei ASHA ha Ri Bhoi, Ka Deputy Commissioner, Ri Bhoi District ka la pyntip paidbah sha baroh ki shnong hapoh ka District, ba kim bit ban ktah kti ne leh ia kino kino ki kam bymman pyrshah ia ki Nongtrei Covid kum ki ASHA, ha ka por ba ki dang thmu ban pyndep ia ka kamram jong ki.

Kumta na ka liang ka DC ka la bthah ia baroh ki shnong ban pynsngewthuh ia ki nongshong shnong ban ai ka jing iatreilang bad ka sorkar, ki nongtrei ka Koit ka Khiah na ka bynta ka jingbha jong u paidbah. Ka la pynmih ruh ia ka jingmaham ba lada dang biang ki kam ktah kti ia ki nongtrei ka koit ka khiah yn leh ia kaba donkam kat kum ka ain.