“Lynñiar ki paidbah West Khasi halor ka jingkiew palat ka baikali”

Ki paidbah nongshong kali ha West Khasi ki la lynñiar jur halor ka jingrem palat ka baikali ha kine ki sngi. Ïa ki kali maruti la shah ban shong tang arngut, kata ruh dei ban shong tang ha ki seat dien. Katba ha khmat pat la shah ban shong tang ia u draibar marwei.

Haba la kylli – Balei ba hap leh kumne? Ki briew sorkar ki ong hana ba ka long ka jingpyniajngai khnang ban lait na ka jingpur u COVID-19. Katba lada thew ia ka jingjngai jong ka jaka shong jong ki arngut shadien pat shiteng metar ruh ym don. Shuh shuh, haba la shah ban shong arngut shadien, te ka pher aiu ban phah shong sa uwei sha khmat mar shiliang bad u draibar?

Kane ka jingpyrkhing ka sorkar ka la kylla long ka jingkhñiot beiñ ia kiba duk, namar ka bai kali kaba tang 60 tyngka mynshwa, mynta la pynkiew 160 tyngka namarba la shah ban shong tang 2 ngut. Ka jingkylli jong ki paidbah ka long- Hato ka sorkar kam lah shuh ban pyrkhat noh da kumwei?

Ex. Rev. K. Langrin, Seinduli