Nongstoin,12 Jylliew:
Ki paidbah jong ka thain Shahlang ki la lynniar ia ka jinglehmon jong uwei u kontraktor uba trei ia ka surok kaba pyniasoh ia Riangdo sha Athiabari kaba jngai kumba 32 kilomitar eiei ha kaba ki bor jong ka Synjuk ki Nongsynshar shnong ki la khang ia ki kali heh kum ki Bus bad ki trok ban iaid lynti nangtei da kaba ong ba ka jingshna pynbha ia ka surok ka dang iaid shaphrang. Hynrei watla ai por haduh kumba shibnai tam u kontraktor uba trei ia katei ka surok u dang pyndep dang kumba 2 kilomitar eiei.
Ka surok Riangdo sha Akhiabari ka dei ka surok kaba pyniasoh sha ka sorbah Guwahati kaba jngai tang kumba 124 kilomitar eiei na kati ka jaka. Dei na kane ka daw ka jingkhang ban iaid lynti k kali heh ba ka la wanrah jingeh ia ki paidbah namar ki ju pyndonkam ia kane ka surok ban kit ia ki mar-bam jong kin a Guwahati.
Kham mynshuwa la shah tang ia ki kali rit ban iaid lynti na katei ka surok hynrei mynta pat la sdang ban khang wat ia ki kali rit ruh, ong ka tyllong ka khubor. Baroh i nongshong iew jong ka iew riangdo,shahlang bad kiwei ki jaka ba marjan ki la ud halor katei ka jingkhang ia katei ka surok da ka jingkyrpad ruh ia ka tnad PWD ba kan tuklar da la de hi ym ban shu ai bor ha ks synjuk Ki nongsynshar Shnong katba ki mon namar kane ka wanrah ka jingduhnong kaba khraw ia ki ym tang ka jingduh ban pynpoi ia ki marbam hynrei ruh ki duh ban die ia ki mar jong ki naduh ka dewiong, ki sying bad kiwei.
Ka jingbymlah ban pyniaid iew ia u Sying khamtam uba la kiew dor bha mynta lyngba katei ka jaka ka la pynduhnong shisha ia ki paidbah nongrep jong katei ka thain.Kumta ki paidbah naduh ki nongrep bad ki malik dewiong ki la dawa ba dei ban pyllait noh shisyndon ia katei ka surok.
Phi don ban ong eiei?