Shillong: Ka Hynñiewtrep Youths’ Council (HYC) Riwar Mihngi Circle lyngba ka kyrwoh ba la phah u president u samla Edmund Khongngai u la lyngnoh ba wat lada ka sorkar ka la kubur ba la khang ia baroh ki khyrdop ha ki khappud ka jylla, hynrei ki dang don kiba mar kiba hiar sha ka ri Bangladesh.
U samla Edmund Khongngai u la ong ba ka jinghiar ki mar shapoh ka ri Bangladesh na ki bynta ka thain Riwar kaba dei khappud bad ka Bangladesh long kaei kaei kaba lyngoh ba ki bor ka aiñ kim leh ei ei halor kane khamtam ha kum kane ka por ba ka sorkar ka dang pyrkhing bha na u jingpang COVID 19.
Ka seng ka kyntu ia ki bor ka aiñ ba kin pynlong da ka jingtalasi ha ki thaiñ border namar ha kum kane ka kapor kan long ka jingma kaba khraw ia ki paidbah kiba don ha border lada jia ba kine ki briew kiba wan ba kiew na bangla kin wanrah ia une u ‘Virus’ shane sha ri khasi jong ngi. Kumta na ka liang ka seng ka la Maham tyngeh ia kine ki briew ba ki dei ba sangeh mardon ia ka kam khaii blak lym kumta ka seng kam banse ban pynlong hi noh ia ka jing ap shrip ha ki thaiñ border.
Phi don ban ong eiei?