Ki saiantis jong ka Indian Space Research Organisation (Isro) lem bad ki million ngut ki nong India bad ka pyrthei hi baroh kawei, ki lyngngoh ngain hynnin ka miet, haba U Vikram Lander of Chandrayaan-2, ula jah lynti noh, na ka jing pyniaid jong ka ISRO bad katei ka dei ha shwa ba un hiar ha u bnai.
Na ka liang jong ka ISRO, haduh mynta kam pat duh jingkyrmen, hynrei, ka dang iaid shakhmat ban wad ia utei U Chandrayaan-2.
Ka don ka jing kulmar jingmut kaba jur ia ki saiantis jong ka ISRO hynnin ka miet, mar ia jah lynti U Vikram, namar ba ka dei ka jingtrei shitom kaba la da ki bun snem kynthih, ha kaba ki don da ki spah ngut ki saiantis kiba donkti ha katei ka kam bad ka jingthmu ka long beit ban ioh iuh kjhat ha u bnai ia ka India ba kan long ka ri kaba saw jong ka pyrthei ban hiar ha u bnai.
La iathuh ba U Vikram, u iaid ha ka jingjngai kaba 2.1 Km, na kaei kaba dei ban iaid na ka jingkhein jong ka ISRO bad haduh mynta ka jingwad jingtip, ka dang iai bteng, ong u heh duh ka Isro, K Sivan. Haduh mynta, ka jingwad jingtip, ba kumno u hiar ha u bnai, ka dang iaid, ong shuh ka khubor.
Phi don ban ong eiei?