Jowai: Ki samla pule ka Kiang Nangbah Government College ki la pynpaw ia ka jinglyngnoh halor ka jingkiew dor ka bai eksamin jong ki.
U Dawyoo Lyngdoh uba dei u Vice President ka bad U Heisuk Chulet Asst. General secretary ka KNGCSU, ki la ong ba ka la pynlyngngoh ia ki khynnah pule ka KNGC ba ka bai eksamin mynta u snem ka la kiew dor shaba palat.
Mynshym snem ka exam fees(University exam fees) ka long tang 800/- tyngka. hynrei mynta u snem pat ka la kiew dor sha ka 1150/- tyngka. Ka practical fees shi paper mynshym snem ka long 150/- tyngka hynrei mynta u snem pat ka la kiew dor sha ka 200/- tyngka. Ka bai exam ki repeaters ruh ka lah kiew dor sha ka 800 tyngka bad 200 Shi paper.
Sa kawei ka ba lyngngoh ruh iaka bai enrollment fees ki lah dep siew 100 tyngka, hynrei mynta pat ki hap biang ban siew iaka enrollment fees kaba 50 tyngka.
Ki la ong ruh, kaba kham phylla ka long ba wat ki private college ruh ka bai eksamin, ka long tang 950,1000,900 tyngka bad ia ka bai practical fees ka long 150 kumjuh hi kum myn shym snem, ka khlem kiew.
Ki la ong ba yn sa phah tohkit ban lap ia ka jingshisha halor ka jingkiew ka bai eksamin, namar ka long ka ba bym sngew lah ban ngeit iaka ne ka jingkiew ka bai eksamin bad baroh ki khynnah pule ki sngew pyrshah ia kane.