Lyngngoh ka HNLC ba u MP um lah iada Jaitbynriew

Shillong,2 Iaiong:
Ka HNLC ha ka kyrwoh ba la pylait paid bah da u bah Sainkupar Nongtraw, u Publicity Secretary, ka la pynkyn maw ba ka 4 tarik u iaiong kaba dei ka sngi kyrsiew thiah kaba ka KSU ka rakhe kynmaw burom , ka dei ruh ka sngi hiar thma u Syiem Tirot Sing ia ki dohlieh ha ka snem 1829. Ka HNLC ka la ong ba katei ka sngi kam dei tang ka sngi ba ka KSU ka rakhe burom, hynrei ka dei ruh ka ka hok ka bynta jong ki rangbah,kynthei,ki seng kynthei, nonghikai, ki nongialam niam, kumjuh ki samla pule ba kin ia shim bynta lem ban pynim iaka tynrai bad ka dei riti jong u khun u Hynñiewtrep Hynñiewwasa.
‘Ka jingsahdien jong ki khun samla jongngi kam dei eh ka jingduk hynrei ka jingshah tyllep haki kolshor nongwei ka ba pynlong ia ki ba kin kham jem ban leit sha ki tamasa(concerts)ban ia kaba ki leit iashimbynta ha ki kam jaidbynriew ne kum ha katei ka sngi kyrsiew ri’ong ka kyrwoh na u bah Sainkupar Nongtraw.
Ka HNLC ka la pynkynmaw ruh ba ka 4tarik iaiong ka dei ka sngi ka ban pyn kynmaw iaka jingaiti bad ka jinglen lade jong u syiem tirot bad ki shipai ki swar jong u, kaba u la pynbna iaka thma pyrshah iaki dohlieh tang namar ba ki dkhar(non-tribals)kiba trei iaka Surok ha katei ka por ki pynwit,pynjah burom iaki longkmie,ki kynthei khynnah hynñiewtrep.
‘Ka jingshisha ka iathuh ba ym tangba ki dohlieh ki oh khajna beaiñ hynrei ka dawbah jong katei ka thma ka dei eh naka jing ibein uwei u peon dkhar pyrshah ia ka Jaidbynriew jong ngi khamtam ka jingshah ktah kti ki kynthei jongngi ha ki khar trei surok ha katei ka por’ bynrap shuh ka kyrwoh.
Ka HNLC ka la ther ruh ia u MP ka Shillong Konstitwensi ha kaba ka la kynnoh ba um lah ban iada ia ki para doh para snam kiba shong basah ha khappud, ‘ Peit nuksa u MP ka Assam uba dei u Nepali u pyntur daki Nepali hi ban kurup iaki jaka jongngi ha langpih,lada u MP na Assam u nud haduh katne, Balei u MP jong ngi um lah ban iada ia ki paradoh parasnam ha khappud Assam,lym kumta ka Briwar Samasi kan nym jyn da kylla madan thma ha Jaiñtia’ buh jingkylli ka kyrwoh na ka HNLC kaba la pynpaw ruh ba ka ai ia ka jingkyrshan ba pura ia katei ka 4tarik u iaiong , ka sngi kyrsiew thiah ba ka KSU kan rakhe.