Lyngngoh ka CORP ba iaid ki trok dewiong, wat la khang ka NGT

Shillong, 11 Nailar:
Ka Confederation of Ri Bhoi People (CoRP) ka la lyngngoh kaba khraw wat hadien ba ka National Green Tribunal (NGT) ka la khang ban tih bad khaii dewiong ha ka Jylla baroh kawei, hynrei la ioh jingtip ba ki bun ki trok kit dewiong na ka jylla ki dang iai bteng ban kit bad shalan dewiong sha ki karkhana ha Byr nihat bad wat sha bar jylla sha Assam.
Haba kren bad u Bah Bandary Ryntathiang, Working Preisdent ka CoRP ula ong, ba kitei ki trok kit dewiong ki iaid man ka sngi ha ki surok bah GS Road bad khamtam ki ioh lad bha ha ki por mymiet myniong da leh men leh ban tap da ki tyrpalin ne ki plastik na jrong ban ym don ba tip ne iohi haba ki iaid ha surok.
Na ka liang ka seng, ula ong ka pynpaw ia ka jingsngewkhia ba kitei ki trok kit dewiong ki ioh ban iaid sha Byrnihat ban die dewiong bad shabar jylla. Ha ka jingshisha katei ka kam ka dangdon hapoh iing bishar bad kim lah ban kit ne khaii dewiong tad haduh ba ka iingbishar ka la kan pynmih hukum.
U Bah Bandary u la ong, ba ka CoRP shen kan sa pynlong ia ka jingap ktem ha ki lad ban lap ia kitei ki trok ki dewiong naba kane kan ktah shiliang ia ki trai bad ki nongkhaii dewiong ha ka Jylla.