Lyngngoh ka BJYM bym ai sboh shuh ia ki nongrep

Shillong, 22 ’lyngkot:
Ka BJYM (BJP Youth Wing) Meghalaya ka pynpaw ia ka jing lyngngoh iaka jingleh sting bad bymsuidniew jong ka Sorkar Meghalaya ia ki Nongrep ban pynpoi ia ka dawai sboh Urea.
Ka Sorkar Megha laya naduh u bnai Iaiong 2014 kala shim iaka rai ban pynsangeh ban ai kano kano ka jingiarap ia ki nongrep ban thied shiteng dor ia ki dawai sboh bad dawai pyniap khniang.
Khlem kano kano pat ka j ingiarap bad j ingpynshai ba thikna shaki N ongrep ka Jylla. Kumta kane ka la wanrah ia ki jingeh kaba khraw iaki Nongrep bad bun naki ki kyndit ban shem ba ha kine ki bnai bala dep haba ki leit wad Dawai Sboh na lew, ka jubab jong ki nongdie ka long ba kim .iohshuh namar ba ka Sorkar Meghalaya kam shah shuh ban pyndonkam dawai sboh.
Na ka liang ka BJYM haba pyrshang ban buddien ia kane hadien bal ioh ia ka jingwan ud jong ki paidbah Nongrep, ha kine ki bnai bala dep na ka liang ki Ophisar jong ka tnad kam rep kila kular ban leh ia kaba donkam bad ka Sorkar kala pynkhreh ban wanrah ia ki dawai sboh khamtam ka Urea. Pynban kat haduh mynta kala dei ka por thung ia ki symbai ka Sorkar kam pat lah ban pynioh.
Kaba lyngngoh shuh shuh ka long ba kumba long mynta ka Dawai Sboh Urea kadon bad ka Company BVFC (Brahmaputra Valley Fertilizer Corporation) Namrup kumba 1500 tonnes ei ei ka urea na ka bynta ban pynpoi sha ka Jylla Meghalaya kaba la dep mang da ka tnad ka sorkar India na ka bynta kane ka aiom thung ba mynta.
Hynrei ka Sorkar Meghalaya lyngba ka Agriculture Department ka tnad kaba bat hi da u Dr. Mukul Sangma Myntri rangbah ka Jylla, kam ailad ia kane ka Company ban pynpoi ia kane ka Dawai Sboh kaba lah don lypa ha ka stock jong katei ka Company ruh namar ka Sorkar Meghalaya kam treh ban renew lane pynim iaka Fertilizer Registration License jong kane ka Company.
Kumta ym lah ban sngewthuh iaka jingthmu jongka Sorkar Meghalaya ha kaba iadei bad kane.
Imat ka Sorkar Meghalaya ka kwah ban pyniap thngan syndon ia ki Nongrep kajylla, lem kumta balei ban leh kumne.
“Ngi sngewkhia jur haduh katta katta ia ka jingleh ka Sorkar Meghalaya ia ki Nongrep bad na kaliang ka BJYM kan ym shong kli kti ba ki Nongrep ki dei ban ioh iala ka jong ka hok bad lada ka Sorkar Meghalaya kam lah ban leh kloi ia kane, Ka BJYM kam banse ban shim da kiwei pat ki lad ki lynti ban iakhun iaka hok ki Nongrep”, la ong u president ka BJYM Bah Egenstar Kurkalang ha ka kyrwoh ba ka pynlait.