Lyngba u Wadajied khur jingjop biang ki khynnah ka Lajong

Shillong:Ki khynnah ka Shillong Lajong sa shisien pat ki la lah ban khur nam jop sa shisien pat ha kane ka jingiakhun ba saw jong ki khlem pat da shah pynliem teng shisien ruh ha ka jingiakhun ba la long myn hynnin ka sngi ha ka Hero Junior League, hadien ba ki la lah ban pynliem ia ka Guwahati Town Club da shi kol ha ka jingialehkai ba la long ha Nehru Stadium ha Guwahati.
Ia katei ka shi kol, na ka bynta ka Lajong la lah ban thep da u Wadajied K. Ryngkhlem ha ka minit ba 60.
Da kane ka jingjop, ki Khynnah ka Lajong ki don hakhlieh duh ka miej iakhein point da 13point na ki san sien iakhun.
Ka jingiakhun ban wan jong ki pyrshah ia ka GTC, kan long ha ka 4tarik u Jymmang ha Shillong.