Lyngba ka Ram Krishna, yn ioh syrnod ki samla na ka USA

Shillong, 4 Naitung:
Ki samla kiba pule komputor Ramakrishna Mission Vivekananda Cultural Centre, Shillong ha ka MS Word, Excel, PowerPoint bad kiwei kin ioh syrnod beit beit na ka Microsoft headquarter, USA .
U Secretary ka Swami Achyuteshananda ka Ramakrishna Mission u la ong hynne ka sngi Thohdieng, ka jinghikai computer ka don ka jingiateh bad ka Microsoft na USA.
U Sawmi u la ong ba ka Ramakrishna Mission, Vivekananda Cultural Centre kaba don ha ka nongbah Shillong ka la ai jinghikai la kumba 25 hajar ngut ha kine ki 12 snem, bad ka Microsoft Authorities na USA ka la wan iakren bad kane ka jaka hikai na ka bynta ban ai syrnod na ka Microsoft lyngba ka online examination.
Haba dang shen ha ka jingpynkup burom ba 57 ia ki samla ba pyndep ia ka jinghikai ha ka komputer, u myntri ba peit ia ki samla u Zenith Sangma u la ong ba ka sorkar lyngba ka Information Techology (IT) kan iateh bad ka Ramakrishna Mission ha u Naitung.
U la kyntu ia ki samla ban lum ia ki jingtip bad pyndonkam bha na ka bynta ka jingmyntoi, ym tang na ka bynta ban shu pule khlem jingmut. Katba u Commissioner bad Secretary ka IT, Communication, u Bah Donald P Wahlang u la ong ba kin shim khia ia kane ka kam ban iateh bad ka Ramakrishna Mission na ka bynta ban iarap ia ki khynnah ba wan na ki longing baduk .
U la ong ba kin pynkhreh ia ka jingdonkam ban pyntreikam ia kane shen. U Bah Wahlang u la pynthikna ban ai jingiarap haduh 50% na ka bai siew ialeh eksamin na ka bynta ka Microsoft Certification.