Aizawl: u Zoramthanga, myntri rangbah ka Mizoram, ula ther tyngeh mynta ka sngi, ha kaba u kynnoh ba ki pulit jong ka Assam, ki la kynshoit bad pynshit ban mih ka jing ia kynad ha khappud jong ki ar jylla.
Ha ka jing pynmih khubor, U Zoramthanga, u kynnoh ba ki don 200ngut ki pulit Assam, ba la ialam da U IGP, ka Assam, ha kaba la synran lang da U DC, Cachar, U SP, Cachar bad U DFO, Cachar, ha kaba ki la leit haduh ha Vairengte Auto-rickshaw stand, ha ka por 11:30 mynta ka step bad ki la tam pud ia ka jaka, kaba la pahara skhem ba da ki pulit CRP bad ki la pynjot ruh ia katei ka ktem jong ki pulit Mizoram ha katei ka jaka. Ym tang katta, hynrei, ki la pynjot ia ki phew tylli ki kali, kiba iaid ha katei ka surok bah hapdeng ka Vairengte bad ka Lailapur.
Mar ia tip, ia katei ka jingjia ki nongshong shnong ka Vairengte, Kolasib District, ki la leit mar mar sha katei ka jaka bad kitei ki la shah shoh bad shah bom lathi bad shah siat lyer pynsat khmat ha ki pulit Assam, ha kaba ki la don bun ki riew paidbah, kiba la mynsaw.
U SP, ka Kolasib bad U Executive Magistrate, ki la leit sha katei ka jaka ban iakren ia sngewthuh, hynrei ka Assam, ka la pyneh hi triang. Ka jing ia kynad bad ka jingsiat lyer pyn satkhmat, ka iai bteng bad nangta sa ka jingsiat jong ki pulit Assam, kaba la jia ha ka por 4.50 janmiet.
Ki pulit ka Mizoram, ki la siat kylla, wat ha ka por ba U SP, ka Kolasib, u dang don ha ka kut jong ki CRP bad u dang iakren bad ki pulit jong ka Assam.
La iathuh ba lyngba ka jingkren jong U Amit Shah, myntri kam poh iing, uba la kren ia baroh arngut ki myntri rangbah, ki pulit Assam, ki la pyndem toin bad phai dien ialade bad aiti ia katei ka ktem, ba kin pyniaid biang ki pulit CRP.
La ong shuh shuh ba ka sorkar Mizoram, ka pynrem jur ia kane ka jingleh thombor jong ka Assam bad ka jing tam pud sha Mizoram. Ka Mizoram, ka sngew diaw halor katei ka jing ia iap ia mynsaw kaba la jia ha baroh arliang bad ka kit bok, ba kin ia ioh bor noh.
Good job CM mizo