Lyngba ka ILP-checking pynher krad ka HYC ia spah ngut ki bar jylla na Umpling

Shillong: Ka Hynniewtrep Youth Council hadien ba ka la shim iaka rai ban pyntreikam hi noh mardor ia ka Inner Line Permit, mynta ka sngi ka HYC Nongthymmai circle lyngba ka ILP-checking, ka la pynlong iaka jingkhynra ia ki nongtrei bar jylla ha kylleng ki jaka badon hapoh ka Shnong Umpling.

Ka HYC Nongthymmai circle hapoh ka jingialam jong u Bah Enlang Sawian, u General Secretary Shillong City mynta ka sngi ki la ioh ban bat ia palat 100 ngut ki bar jylla ki bym biang ki kot ki sla kiba trei bylla ha kylleng ka Shnong Umpling.

Na ka liang ka Seng HYC ha kane ka sngi hi ka la phah leit phai lut ia kine baroh ki 100 ngut ki bar jylla sha ka jylla Assam bad sha kiwei ki jylla kiba ki wan kum Bihar,West Bengal bad maham tyngeh ruh ba kim dei shuh ban dang wan trei wan ktah lane wan shong wan sah hapoh ka jylla Meghalaya.

ka Seng Kan nang pynjur shuh2 bad bteng ia kane ka ILP checking sa ha kiwei kiwei ki Shnong ki dong Jong ka Nongbah Shillong bad maham tyngeh ia baroh ki trai iing ki contractor ban phah mih lupa noh ia baroh ki nongtrei kiba wan nabar jylla.