Shillong 05 Iaiong: Ka Meghalaya Board of School Education (MBOSE) ha ka 04 Tarik u Iaiong 2025, ka la pynmih ia ka result jong ki khynnah ki ba iakhun ia ka exam Secondary School Leaving Certificate (SSLC).
Ia kane ka result ka MBOSE ka la pynmih, ha ka step jong ka 04 Tarik ha kapor kumba 11:00 baje.
Ka KJP Girls Higher secondary school, Shillong ka badei ka wei ka skul ka ba la hap ha ka thup jong ka top-20, lyngba i Phidawanbok Wahlang.
I Phidawanbok Wahlang i la ioh heh mark ia ka Computer iba la ioh haduh 99 mark bad i la poi ha ka kyrdan ba 11 jong ka Top-20, katba i Olisha Mawlong pat i la ioh heh mark ia ka Khasi.
I Phidawanbok Wahlang i dei i na shongbasah ha Myriaw, Eastern West Khasi Hills District bad mynta namar ba kadei ka sngi saitjaiñ im shem la ioh ban wan sha school.
Ha ka jingiakren bad ki Mrs, C.Allya i badei i Principal jong ka KJP Girls Higher Secondary School i la iathuh, ba ha kane ka exam SSLC ka skul ka la phah haduh 100 ngut bad ba fail dei tang iwei.
Watla katta i la pynpaw ka jingsngewkmen ka bakhraw haduh katta katta, hadien ba iwei i khynnah I lah pynpaw ia ka skul hi baroh kawei, da ka ba nyngkong i la ainguh ia u Blei, uba la don lem don ryngkat bad ka skul.
I la iathuh ruh, ba ka skul kam shem la ioh shuh ka ka kyrdan Top -20, hynrei kane ka jingioh rung jong i Phidawanbok Wahlang ha kane ka snem ka la long ka jingkmen ka ba khraw ia ka skul baroh kawei, ia ki nongpyniaid jong ka skul, ia ki nonghikai ki ba la trei met bad mynsiem na ka bynta ki khynnah skul.
I Mrs C.Allya i la ai mynsiem ruh ka ki khynnah ki bym shem poi sha kathong bad kin nang iai treishitom ym ban duh jingkyrmen namar ha ka jingialeh kidon ki ba fail bad kidon ruh ki ba pass, bad ka ba kongsan eh na kin nangiai pyrshah ym ban shu sangeh noh ban leit pule.
Phi don ban ong eiei?