Lynga ka shnong Umsohbar ba shong dum khlem lait jan shibnai

Shillong:Ki nongshong shnong jong ka shnong Umsohbar, Ribhoi District, ki la pynpaw ia ka jing lynga ba jur namar ka jing lehsting jong ka tnad ai bor ding(MePDCL)ban wan peit lem ia ki lain iaid ding (wire).U juh u line ba pyniaid ding ha ka shnong Warmawsaw ka don,katba ha Umsohbar pat kam don.La ong ki nong shong shnong na katei ka shnong. Kum ki nongshong shnong ba sah ha khap Assam,ki da sngew pangmet shibun ban iohi ba ki ing jong ki shnong ba sah ki dkhar ki ba ioh bor ding lang na ka Assam bad na Meghalaya ki phyrnai khrek khrek,katba kitei pat ki hap shong dum da ki bun bun taiew bun bnai.Nalor ba ia ka bill ki ju ioh pdiang beit man u bnai khlem da map wat ha ki bnai bym don ding ruh, ha kaba hap ban thied sa ki mombati ym duna ar song shimiet ryngkat ha ka dor ba 30 haduh 35 shi song.I mat ka lah ban dei kaba kum kine ki jingeh,ba kaba ba sah ha ki thain khappud, ki sa kham mon ban leit dem ha Assam namar ba ki jingmyntoi,ki kam pynroi ki kham ioh na Assam, kren diaw ki paitbah.