Lymbub ka taxi ia ka long kmie ha Motphran

Shillong, 11 Naiwieng:
Mynta ka sngi ha ka por kumba khyndai baje mynstep kawei ka Local Taxi kaba don ia u number ML0 5 E 7500 kala lymbub ia kawei ka long kmie ha Motphran bad katei ka longkmie ka la mynsaw jur na ki bynta ki kjat jong ka. Ha kane ka por na ka liang jong ki pulit kiba don ha kane ka jaka ki la rah ia kane ka long kmie bad buh ia ka sharud  ban pynlait ia ka jingdheng kali. Na ka liangjong ki pulit kim tip kane ka dei kaba shong ba sah haei namar ha kane ka por kam shym la lah ban ia thuh.Katkum ka jingiathuh jong ki briew kiba don ha kane ka jaka ki ong ba kane ka longkmie ka dei kaba ju iaid ju ieng man ka por ha ki thain Motphran bad kim tip ka trei ka ktah aiu. Ha dien ba la pynkynriah ia kane ka briew na ka jaka ba ka kyllon ha kane ka jingshah lymbub ha kane ka kali ki pulit ki la rah noh ia ka.Haba ia dei bad kane ka jingjia na ka liang jong ki pulit kila pynlong ia ka jingthoh kit ban lap la ka dei ka jingbakla na ka liang jong katei ka long kmie ne dei na ka jingbakla jong u nongniah katei ka local Taxi namar ka dei kajingkhap ngiah jong ka surok.