Lute bad pyniap ki runar ia u lok, lait im ka lok

Jowai, 19 Iaiong:
Ki Pulit ka Ladrymbai ki la ioh tam ia ar tylli ki metiap kawei ha ka 17 tarik por miet na Rymbai Road, kawei pat na jaka basah trei ki Khar Nepali ha Umshnong hynnin ka miet.
Ha ka 17 tarik la lap ia ka metiap uba samla uba la suba jur ba udei u Pnar hapdeng ka rta 20-25 snem
Hynnin ka meit pat, uwei u Indra Bahadur Gurung uba trei dewiong ha kawei ka khlaw ha Umshong u la shah pyniap da ka ba pom da ka wait ha ka kynhun ki nonglute kiba rah pistol bad wait kiba don hapdeng 7 bad 8 ngut eiei.
Ka khubor kala iohlum ka la iathuh ba ha ka por 8:30 lane 9 baje eiei, katei ka kynhun nonglute ka la wan rung hapoh ka iing dara ba utei u Indra Bahadur Gurung u sah ha ryngkat ka lok jong u ka Savitri Gurung.
La ong ba mar sien rung, kitei ki runar kila dawa pisa bad haba um ai, ki la pom ia u da ka wait na khlieh bad lute ia ka pisa Rs. 5000 tyngka, 3 tylli ki mobile phone bad phah law lut ki sahkti bad sah shkor na katei ka lok ha shwa ba kin phet noh.
Ki pulit ki dang pynlong ka jingtokit halor kane bad la suba jur ba la leh ia kane ka kam da ki bar jylla kiba trei bylla sha katei hi ka thain.