Lun maw ki runar ha Lailapur, ia ki kali kiba leit sha Mizoram

Guwahati: Hynnin ka sngi, ka la jia ka jing ia kynad ha Lailapur, ha kaba ki riew pyntriem, ki la lun maw ia ki kali kiba leit sha Mizoram, ha khappud jong ka Assam bad ka Mizoram.

Katei ka jingjia, ka dang iai bteng hi ban jia, wat hadien ba ki arngut ki myntri ka sorkar Assam, ki la leit ban pynlong jingialang ha katei ka jaka, ha kaba la leit da U Ashok Singhal bad U Parimal Suklabaidya, kiba leit dalade ban peit, ba ka jingiaid ki briew bad ki mar ki kata, ka dei ban long khlem jingwit satia.

Kitei ki kali, ki la shah lunmaw ha ka por janmiet, ha ki riew runar, kiba shong ha kitei ki jaka khappud, ong ka khubor. Ym shym ioh jingtip, ban don kano kano ka jingiap ne ka jing mynsaw briew, na katei ka jingjia, ong ka khubor.