Shillong:Mynhynnin ka sngi, u symbud myntri rangbah ka jylla uba peit ia ka tnad PWD u bah Prestone Tynsong, ula lum ia ki ophisar bapher bapher jong ka jylla bad ki NHIDCL ia ka jingiaid ki kam na bynta ka jingshna ia ka surok na Umiam shaduh Maligoan.
Kane ka surok kaba don kumba 170 km eiei, la mang pisa kumba T. 22 hajar klur bad ka dei ka surokbah kaban pyniasoh ia ka jylla Meghalaya bad ka Assam bad kiwei ki jylla ka thain shatei lamihngi.
Haba kren sha ki lad pathai khubor, u bah Prestone ula ong ba la bthah ia ki Deputy Commissioner kynthup ka Ri-Bhoi, ka East Khasi Hills, ka West bad ka East Jaintia Hills ban thaw ia ka Committee ban pyniaid beit ia ki kam ki jam.
Ki DC kin kynthup lang ha ka Commitee ia ki tnad bapher bapher naduh ka tnad ka rep ka riang, ka tnad PWD, Forest, bad kiwei ki tnad ha ki district.
Ka jylla Meghalaya ka don san tylli ki song jong kane ka surok kynthup naduh ka song 1, 2, 3, 4, bad 5, bad ka jingshim jingthew ka la iaid. Ha kane ka surok, yn shna ruh ia ka surok poh khyndew ne tunnel kumba 3 tylli.
Kane ka dei ka khubor ba bha tangba ngi tip ba ka wan ka order na centre ban pynsuk iaki nongleit nongwan jong ki nong Silchar, Mizoram, tripura etc um ba phi lwah ma phi maduh..Hangne ruh sa ia pyrshah kumba jia ha umsning..u khasi un tan iwei2 tang ban phaida ialade..