Lum u MDC ia kiba duna dkhot met

Shillong, 23’lyngkot:
U MDC ka Laban-Mawprem u bah Ricky Shullai ha ryngkat ka Seng Samla Lawsohtun u la lum ia baroh ki ba duna dkhot met ha katei ka thaiñ naduh kiba rit haduh ki tymmen ban ia bam khana sngewbha. La sdang ia katei ka prokram da ka jingduwai ryngkat ki jingai sngewbha , ki song jingbam bad ka don pat sa ka jingiabam. U bah Ricky u la ai jingmut ban thaw noh da ka MDC Charitable Council da ka jingthmu kumno ban iarap ia kiba duna dkhot met la ka dei na ka skhim sorkar jylla ne na ka skhim sorkar pdeng.