Lum U CS ia U DGP, ban pynjem khnap ia ka Al Qaeda

Shillong, 8 Nailur:
Ka sorkar Jylla, ka pyrkhat khia bha halor ka khubor, ba u snar jong ka Al Qaeda, U Ayman al-Zawahiri, ula thaw ia ka seng ehrang, kaba kyr teng ‘Jamiat Quedatel Jihad Fee Shibh-el-Quarratel Hindiya’ lane ka Al Queda, ha ka Indian Sub-Continent.
Halor katei ka phang, U Chief Se cre tery, ula khot ia ka jingialang mynta ka sngi, ha kaba la iakren halor katei ka mat bad la bthah ia U Director General of Police, Meghalaya ba un peit ia ki lad ki lynti, na ka bynta ban iakhun pyrshah ia kano kano ka jingthmu jong katei ka seng ehrang ban suh thied, ha ka Jylla. Ka sorkar Jylla, kan ialeh pyrshah ia kane ka jingthmu bad kan thaw ia ki lad ki lynti, ban nym pynwit ia ka shongsuk shongsain jong ki briew jongka, ha ka Jylla.