Lum ka sorkar Meghalaya 450 klur na ka bynta ka National Games 2022

Shillong: U myntri rangbah ka jylla u Conrad Sangma ha ba kren bad ki lad pathai khubor hadien ka jing ia lang ka ‘National Games Organizing Committee’ jong ka jylla u la ong ba ka sorkar Meghalaya ka la ioh ban lum lang kumba 450 klur na ka sorkar India na bynta ban pynkhreh ia ka ‘National Games 2020’ ka ban long hapoh ka jylla Meghalaya.

Ha kane ka jing ialang jong ka ‘National Games Organizing Committee’ ka Meghalaya la ia shim bynta lang da u myntri ka tnad ialehaki u Banteidor Lyngdoh u myntri ka tnad PWD (Buildings) u C. Ymbonm u myntri ka tnad pynroi sor u Hamletson Dohling lem bad ki dkhot jong ka Meghalaya State Olympic Association (MSOA).
U myntri rangbah ka jylla u Conrad K Sangma u la iathuh ruh ba ha ka jing ialang ka komiti ka la iathir jing mut halor ki jaka ban pynlong ia ki ialehkai bapher bapher ha ka ‘National Games 2022’.