Lum jingialang ka JHLPSTA

Jowai, 1 Nailar:
Ka Jaintia Hills Lower Primary School Teachers’ Association (JHLPSTA), Khliehriat Unit kan pynlong ia ka General Meeting ha Fantine Hall, Khliehriat Higher Secondary School (St. Dominic), Khliehriat ha ka 5 tarik une u bnai ha ka por 10:00 am.
U President ka Unit, u babu Wanbha S Phawa, u la iathuh ba ki don shibun ki mat kiba iadei bad ki nonghikai yn sa iakren ha katei ka jingialang bad u la kyntu jur ia baroh ki nonghikai ban wan biang por khlempep sha katei ka jingialang khnang ba ki mat iakren kin long kiba iaid beit iaid ryntih.
U la kyntu ruh ia kiwei de ki nonghikai ki bym shym la iasoh satia bad ka JHLPSTA kin wan ban iashim bynta ha katei ka jingialang bad lada ki don ruh ka mon, katei ka seng ki nonghikai ka pdiang sngewbha ruh ia ki.