U myntri ka tnat pule puthi, jong ka Bihar, U Mewalal Choudhary, ula hiar shuki noh mynta ka sngi. U hiar shuki, tang hadien 72 kynta, ba u bam smai, kum u myntri ka sorkar Bihar.
U Choudhary, ula ia kynduh mynta ka sngi, ia U Nitish Kumar, myntri rangbah ka Jylla bad ula aiti ia ka shithi iehnoh kam jongu bad ia ka shithi iehnoh kam jongu, la mynjur da U Lat ka Jylla.
U Mewalal Choudhary, u dang shu leit shimti ia ka kam, kum u myntri ka pule puthi, ha ka por 12.30 nohsngi bad ula hiar shuki noh ha ka por 2 baje nohsngi bad kumta, u iehnoh kam, tang hadien shi kynta shiteng, ba u bat kum u myntri jong ka tnat pule puthi.
La kynnoh ba U Mewalal Choudhary, ula pyndonkam bakla ia la ka jong k bor jongu, kum U Vice-chancellor ka Bhagalpur’s Sabaur Agriculture University ha u snem 2017, ban pynrung kam beain ia 161 ngut ki Assistant Professor bad ki junior scientist. U Mewalal Choudhary, u shah kynnoh ruh halor ka jingbamsap, ha kaba tei ia ka Sabaur Agriculture University.
U Ram Nath Kovind, ha ka por ba u long U Lat ka bihar, ula phah tohkit pyrshah ia U Mewalal Choudhary ha u snem 2017 bad la lap ba ki jing kynnoh pyrshah ia u, ki long kiba shisha.
Ka jinghiar shuki U Choudhary, ka dei hadien ba ka liang pyrshah Rashtriya Janata Dal, ka la ther tyngeh ia u myntri rangbah, halor ka jingthung myntri jongu, ia utei u briew, uba bamsap.
Phi don ban ong eiei?