Shillong 04 Iaiong: Ha kaba ka mariang kan ia kynduh bad ki jingthaba ba phyrnai ka bor ding elektri ha ka suinbneng ki miet lyiur khlem dakut shuh!
Ki jingrwai bad jingshad electronic ba khraw tam eh ha ka khyndew bah Asia kan pynlong ia ka Tamasa, ka Sunburn kaban pynpluh ia ki jingkhmih lynti da kaba pynmih ia kaba thymmai tam eh a Intellectual Property (IP) – Ka Tamasa Lyuir jong ka Sunburn. Pynkhreh lypa ia ki sur kiban thombor namar ki nongrwai nongtem kiba khraw bad kiba tbit bha ha ki dur jingrwai elektronik kin iawan hiar ym tang kawei hynrei ar tylli ki jaka ia kaba kin pynpluh thum ha ki artylli ki sngi saitjain khlem sangeh!
Wan ban mad ba wad ki lum bah ruh kin khih ha Shillong ha ka 10 tarik u bnai Rymphang (May) 2025. Ia ki tiket phi lah ban ioh mynta hi n aka jingplie shabi ia ka jingiatem ia put jong ka Tamasa Lyuir ka jong ki Sunburn, bad lah ban ioh tang na ka BookMyShow, ka wei na ki jalka die tiket Tamasa kaba heh tam eh ha ri India – thied noh ia ki tiket jong phi mynta hi kumne kumne!
Kiba hakhmat eh jong kane ka jingplie shabi ki dei ki riewkhraw jong ka pyrthei pyllun ha kaba iadei bad ki jaid jingrwai bad jingpyni fda ki kor elektronik, kawei pa kawei ka kynhun kan wanrah ia la ki jong ki jinglah ha ka tem ka put ka jong ki sha ka ne ka madan ha kaban sa pluh phom ha kane ka jingmad kaba khampher ha kane ka tamasa. Kita ki kynhun kiba pynthymmai ia ki rukom tem rukom put a jong ki kiba la tip kum ki Vini Vici kin pynkylla ia kane ka madan ha kaba ki khla wait na ri lum kin ia seng lang bad ki rukom shad pynbiet, ban pynkhih bad pynsted ia ki jingtied u dohnud, ka rukom tem bas kaban pynkhynniuh ia ka mei mariang bad ki jingpynhiar stet ia ka put ka tem kaba la pynlong ia ki ki khla ka wait ha kane ka rukom tem ha satlak ka pyrthei. Ka jingstad ka jong ki kaba nylla ha kaban iathir lang ia ki jingrwai kiba na mynhyndai bad ruh da kaba ia mir bad ki kor ki bor ka pyrthei mynta ha kaban wan rah ia ka jingtem kiba ngin ym klet shuh ha ki jingiaid lynti ki jong ngi.
Ka kynhun u Dimitri Vegas u ba ngi lah ban ong u dei u syiem jong ki jingtem jingput elektronik un pynmih ia ka jingtem kaban pyndap lut phar ia ka jaka baroh kawei bad ruh ia ki jingkynud kiba lah wat ban pynsangeh ia ka jingtied u klong snam kaba la jo pia ki rynsan kiba khraw ha kylleng ka pyrthei. Ba la tip ia u kum u wei na ki nongrwai kiba lah eh ban khring ia u paidlang paidkar da ka bor jong ki jinglah ban pyniadei bad u paidbah bad ha kajuh ka por u ba lah ban ai ka jingkhih mynsiem kaba bun ngim ju mad ha ki jingim ki jong ngi, u Vegas u tem ia ki jingrwai kiba pawnam tma eh ki jong u ia kiba u la pynkhreh kyrpang n aka bynta kane ka tamasa, kaban paw khamtam ia kiba u la pynbiang pynbit khamtam eh na ka bynta kane ka tamasa.
Ka kynhun tem kaba iohi jngai bad kaba pyrshang ia kiei kiei kiba thymmai ka DubVision kan rah ia kane ka janmiet da ki jingtem bad ki jingput kiba la khreh kyrpang bad ruh ia ki jinpynkhih mynsiem kiban tei ia ki jingsngew jong ki nongsngap sha ki jingpynkhih mynsiem kiba ha jrong tam eh. Ki jinglah ki jong ki ban ia pyntyllum ia ki jingtem, bad ka rukom pynmih sur kiba thiang bad jingpyniap biej kiba ki lah ban pynmih da ki jingtem ki jong ki, ki kular ban pynlong ia ka jaka hi baroh kawei ba ha kane ka tamasa ki hajar kin ia rah ia la ki kti ha ka juh hi ka por hapdeng ki jingpymih bad pynlip ia ki light bad pynlong ka jingpynkhih mynsiem kaba khraw. Ha ka juh ka por, ka kynhun na Ri Bilat kaba la pynkhih mynsiem ia katei ka ri kaba kyrteng ka Third Party kan pyni kumno bad balei ki dei ka kynhun kaba thiang tam eh ha kane ka tamasa da ki rukom leh ki jong ki kiba kham pher haduh katta katta ha ba ianujor bad kiwei pat da kabaka jingstad ka jong ki ban pynkhynwin ia ka jaka bad ia ki nongiashim bynta baroh – da kaba ia khleh lang ia ki jingkhihmynsiem kiba jylliew tam eh bad ka bor kaba mih nangta, ha kajuh ka por da iathir bha bad ki syrtap kiba bun jong ki jiad jingtem kiba don ki jingmut kiba jylliew kiba iai sawa ha ki shkor ki jong ki nongsngap bun bun por hadien ba ki iohsngew ia ki jingtem jingput jong ki.
Ryngkat bad kine ki nongtem kiba khraw na kylleng ka pyrthei, kane ka tamasa kan pyni bad wallam ruh ia kiba bun ki nongtem nongput elektronik kiba la mih na la ka ri kum – Siana Catherine, Gary Daniel, Reuel Roy, Quills bad ruh DJ Aedrian, kiban wanrah ia ka jingiakhleh jingmut jong ki nongtem pyrthei bad ki nongtem na la ri.
Ka Sunburn da ha kine ki sngi ka la iohi ia u paidbah bakhraw u ba dap ban sngap ia ka jingtem jong kine ki elektronik kum Alan Walker bad Afrojack hangne hi ha Shillong, ka nongbah kaba la kiew bha bad kaba la kylla long ka jaka bad ka iewbah kaba ki nongtem nongput ki lah ban pyni ia la ki sap ki talent bad ruh kaba la khring ia ki wei pat na ki ri na kylleng ka pyrthei. Kane ka tamasa ka dei kawei na ki kabu ban pyniar hangne ha thain Shatei Lam Mihngi jong ka ri India kaba long ka thain ha kaba ka jingieid bad ka jingsngewtynnad ia ka jingtem jingput ka long ka bynta jong ka imlang ka sahlang bad ruh ha ka juh ka por ki briew kiba kloi ban sngap bad pdiang ia ki jingtem jingput na kylleng ka pyrthei. Namar kawei pa kawei ka tamasa ka pynmih ia ka jingshongshit kabym lah ban ong, bad ka Shillong ka la pynshisha ia ka jinglong tynrai jong k aba kam dei tang ka jaka tem jaka put kaba shi por, hynrei kaba dei ka jaka ha kaba ka Sunburn kan hap ban pynlong ia kane ka tamasa.
Karan Singh, CEO jong ka sunburn, u la phah bad ong, “Ka Sunburn ka ju iai pyrshang ban kham pynbha ia ka rukom pyni ia ka jinglah ha ka put ka tem kaba markhmat ym tang ha India hynrei da ki jingpyrshang da ki lad kiba kham thymmai, ka Tamasa Lyuir ka Sunburn, ngi la wan rah ia baroh kawei ba kumta ngi lah ban mad ia kata ka jinglong bad jingsngew jong kine ki aiom. Ka la dei ka jingsndang kaba thymmai ha kane ka kynhun Sunburn. Da kaba wanrah ia ki nongtem nongput na kylleng ka pyrthei kiba tem ia kine ki jingtem elektronik shane sha Shillong, ka long tang kaba sdang bad ngi la sngew khih mynsien shisha ba kumno kita kiban sa wan ban ia shim bynta kin ioh ka lad ban leh kmen bad mad ia ki jingshim kiba kham pher lyngba kane ka lyuir lyngba ki jingtem, ki kam pyni jingstad bapher bad ka imlang ka sahlang. Ka jingshitrhem ki nongiashim bynta khleh lanfg bad ka jingitynnad ka mariang bad ka jinglong kaba shongshit bad shitrhem ka nongshong shnong ka la dei shisha ka jaka kaba biang tam eh na ka bynta ki jingtem jingput ka pyrthei pyllun na ka bynta ka Shatei Lam Mihngi.”
To pynkhreh ba poi sha ka jaka ha kaba ki nongtem bas kin kyrhuh kum u pyrthat bad ki ban sawa lyngba ki lum bah bad ki lum rit kiba la hyndai hynthai bad ki jingshai jong ki rong ka lait kiba bunjaid kiban jngi ha suin ka bneng!
Ka Tamasa Lyuir Sunburn kan wanrah ia ka lyuir kaba im bad ki jingpynkhreh pynkhrum kiban pynroi ia ki jingsngew jong ki jingpar ka bor ding elektrik ha kane ka tamasa. Sangeh shipor bad wan sha kane ka dorbin kaba phi lah ban khmih ia ka pyrthei kaba phylla ha ka Tamasa Lyuir jong ka Sunburn, ha kaba ka jingtem ia ki ksing da ki bor eleltrik bad ruh ka jingiohi kiba pynkhih mynsiem ha ba phi peit ia ka jingiband bad ithiah ka sor Shillong. Kane ka jaka tamasa yn pynkylla ia ka da ki dieng snopkor kiba jrong bha, bad ki syntiew dieng kiba noh rymphum bad ki lait kiban pynshoh biej ruh ha ka juh ka por ki jingriew jong ki ksing ki dhah kiban pynkhih ia ka mynsiem bad ruh ia ki syngkai. Hadien ba la sdang ban dum, ka jaka baroh kawei kan kylla long kum ka jaka ialeh ki lait kiba bun jaid bad ki rukom pynlong ia ki ba phin shoh biej da ki jinstad kumno ban pyni paidbah ia ki bad nalor kata ka jingstad jong ki nongtem nongput bad ki sur kiba bang kiban pynshoh biej ia ki jingsngewthuh ki jong ngi.
Nalor kita ki pynkhih mynsiem na ka put ka tem, kane ka tamasa kan pyni ruh ia ki rukom leh bad ki rukom pynbeit pynbiang jong ka juk kaba mynta kaban wanrah ia ki jingphylla hapdeng kita kiban wan shim bynta. Kito kiba wan ban ioh jah thaih shipor kin shem ia ki jaka ba don um bad ruh ki jaid diengjaid siej kiba la thaw bha da ki jain kiba bunrong bad ruh ki jaka shong kiba don hapdeng ki dieng kiba la pynshai da ki jingshai ki kor ki bor, ym tang kata wat ki jaka kiba kynjah bay n ioh jingpalei jingmut shipor bad ban ioh pynjah thait ha kane ka Tamsa Lyuir jong ka Sunburn, ym tang ka jingtem jongput hynrei ruh ka jingiaid lynti kaba ngin ym klet shuh ha kane ka lyuir kaba ka aiom ka lah ban ai bad ruh ki jingtem jingput kiba wanrah ia ka jingiohbor ha ki mynsiem.
“Ka Shillong ka ju long ka jaka ka kyrpang ha ka jingiaid lynti ka jong ngi” ong u Tamanna Mordani, u wei na ki nongshem ia ka Founder of Envision. “Na ka jingpynmih ia ki tamasa kiba ngin ym lah ban klet ha ki snem kiba la leit noh ryngkat bad ka jingieid ia ka put ka tem, kawei pa kawei ka jingmad ha kane ka jingiaid lynti ka la long shisha kaba iohnong haduh katta katta. Ka bor, ki briew, ka jingieid thep mynsiem – ka dei shisha ka jaka kaba bha tam eh ban gin ioh ban leit ha kane ka ri India hi baroh kawei. Da kane ka Tamasa Lyuir, ngi rah ia kane ka juh ka mynsiem sha kawei pat ka kyrdan kaba kham halor. Da kaba ngi ia trei lang bad ka Sunburn, ngin pynmih ia ka jingleh tamasa kaba bha tam eh ha ka pyrthei kaba ruh skeh ha ka mynsiem ki Nong Shillong. Bad kane ka dei tang ka jingsdang – ngi la kut jingmut ban wanrah ia ki tamasa kiba kham khraw, khambha bad kiba ngin ym klet shuh ia kaba ka imlang ka sahlang ha ki thain Shatei Lam Mihngi kin ioh.”
Ka Tamasa Lyuir jong ka Sunburn ka wan kum ka jingjia ha ka put ka tem kaba ngin ym klet shuh da lei lei ruh bad ka ban pynkylla ia ka jingsngewthuh jong ki tamasa lyuir ha ri India ka jingitynnad ka jaka, bad ki rukom pynmih kiba bha bad ki rukom tem kiba aiti lut met bad mynsiem bad jingstad baroh ha kajuh ka por ngin ym klet ia ki khyllipmat kiba ka kynhun Sunburn ka la bat ia ki jingmut jingpyrkhat jong ki bun bah ki briew kylleng, te namarkata wan ban iohsngew ia ki jingtied, shong ban ia shim bynta ha ki jingpynhiar mynsiem kiba yn sa buh dak shi jjunom ha ki jingkynmaw ki jong phi, wad hadien ba ki jingrwai ki la kut noh!
La pynmih bad la pynbit pynbiang da ka kynhun Spacebound, Ka Tamasa Lyuir jong ka Sunburn ia kaba la kyrshan da ka Tuborg bad la niah ia ka da ka Hyundai, bad ka jingiashim bynta lang jong ka Meghalaya Tourism, Envision bad Boombox kum ki nongiamir jingmut jong kane ka tamasa.
Long kiba la kloi ban pynngam ia lade ha kane ka jingialeh kmen jong ka jingrwai lyuir kabab ha tam eh! Iai din bad ka BookMyShow bad bud ia ka Sunburn ha ki rynsan jong ka social media n aka bynta ki jingtip kiba thymmai bad kiba bha shaphang kane ka tamasa:
• Instagram: @sunburnfestival
• X (Formerly Twitter): @SunburnFestival
• Facebook: SunburnFestival
Phi don ban ong eiei?