Lockdown: Bthah u doktor ban dih 3 peg ka whiskey shi sngi

Ka sorkar jylla, ha ki khyndiat sngi ba ladep, ka la ailad ia ki doktor, ba kin ai jingbit ia ki briew kiba dei ban dih kyiad, lada ka dei na ka bynta ba kan long kum ka dawai ia ki bad ia ka kyiad ruh, ba dei ban leit pynpoi hi sha iing jong ki nongdih bad ban siew tam T.100, na ka dor jong ka kyiad, kaba dei ka bai leit rah sha iing.

Halor kane; u wei u doktor, ula ai jingthoh, ia uwei u nongpang, da kaba bthah ba un dih 3 peg ka whiskey ha ka shisngi. Ula bthah ia utei u briew, ba un thied ar bitor ka whiskey bad katei ka dei ia uwei u briew, uba la don 65 snem ka rta.

Katei ka jingbthah, ka la iaid bha ha ki social media bad ki online news, naduh hynnin ka sngi.